அர்த்தநாரிச் சிறகுகள்

காதல் பகிர்மானச் சின்னங்கள்

தொடர்வற்றதொரு பயணத்தில் தேடப்பட்டிருந்தன


இதயம் சிறகடித்துப் பறப்பது போலும்

கலவி நுகரும் புள்ளினங்கள் போலும்

கல்லறை ஓவியமொன்று காத்திருப்பது போலும்

இன்னும் சிலவகையில் பதிவிறக்கிய பொழுதுகளில்

இலக்கணப் பிழை என்றெண்ணி

சலனங்கள் ஏதுமில்லாமல்

தன் கடைசிச் சிறகையும் வேரறுத்துக் கொண்டிருந்தது

பாலிழந்ததாய் நிராகரிக்கப்பட்ட

அர்த்தநாரிப் பறவையொன்று...


பிறிதொரு கணத்தில் உயிர்க்கூறருப்பது போல்

யாசிப்பதாய் சமிக்ஞை செய்தது

மேற்குச் சிவத்தலில் இரையான தகவல்

யார்க்கும் தெரியாத விசித்திரம் !!!

அர்த்தநாரிச் சிறகுகள்

காதல் பகிர்மானச் சின்னங்கள்

தொடர்வற்றதொரு பயணத்தில் தேடப்பட்டிருந்தன ...

இதயம் சிறகடித்துப் பறப்பது போலும்

கலவி நுகரும் புள்ளினங்கள் போலும்

கல்லறை ஓவியமொன்று காத்திருப்பது போலும்

இன்னும் சிலவகையில் பதிவிறக்கிய பொழுதுகளில்

இலக்கணப் பிழை என்றெண்ணி

சலனங்கள் ஏதுமில்லாமல்

தன் கடைசிச் சிறகையும் வேரறுத்துக் கொண்டிருந்தது

பாலிழந்ததாய் நிராகரிக்கப்பட்ட

அர்த்தநாரிப் பறவையொன்று...

பிறிதொரு கணத்தில் உயிர்க்கூறருப்பது போல்

யாசிப்பதாய் சமிக்ஞை செய்தது

மேற்குச் சிவத்தலில் இரையான தகவல்

யார்க்கும் தெரியாத விசித்திரம் !!

பயணம்

அது ஒரு அதிசய நிறுத்தம்

முதல் பேருந்து காலியானது
பயணம் புரியவில்லை ...

இரண்டாமது நெருக்கங்களின் உச்சாணிக் கொம்பு
பயணம் மறுக்கப்பட்டது ...

பின் மூன்றாமது மீண்டும் காலியானது
பயணம் தவிர்க்கப்பட்டது ...

உடன்பாடுகள் திருத்தப்படாமல்
இலக்கின்றி பயணம் முடிந்தது ...

இப்பொழுது இன்னொரு பேருந்தின்
முன்னறிவிப்பாய் ஒரு மெல்லிய நிசப்தம் !!!!

"......."

களைக்க மனமில்லை
புது வீட்டில் சிலந்தி வலை !!

உயிர்மையுவகை

நேர்வகிடு...

திருநீறு...

குங்குமத் திட்டு...

வட்டக் கரு மை ...

வளை புருவம்...

கூர்விழி...

செவ்விதழ்...

மணிக் கழுத்து...

மெல்லிடை..


உயிர் கிழிக்கும் போர்க்கருவி

இன்னும் மிச்சமிருப்பின் ...

தாளாது ஒழியட்டும்

இந்தப் பேருலகச் சாக்காடு ...!!

யார் இவர்கள் ??

மௌனத்தை கொலை செய்யும் வண்ணத்துப்பூச்சிகள்

இரைச்சல் யுத்தத்தில் யாசிக்கும் சின்னஞ்சிறுமிகள்

யோசிக்கும் முதுமையும் அதை வாசிக்கும் இளமையுமான ராஜாங்கங்கள்

எதோ ஒன்றை சொல்ல பிரிந்திருக்கும் பாலங்கள்

முகமுடி அணியாமல் அதை முடிசூடிக் கொள்ளும் சில அகோரங்கள்

தேடல் குறிக்கோள்களில் தன்னை தொலைத்துக் கொள்பவர்கள்

தனிமை இலக்கணம் மறுப்பவர்கள் அல்லது மறக்கப் படுபவர்கள்

நிஜங்கள் ஏதும் சொல்வதற்கில்லை

யார் இவர்கள் ? கேள்விகளாக முடியும் கானல்கள் ! ! !

நாட்காட்டி

பின்னது பதிப்பதில்

முன்னது கழிதல்

இன்னொரு தொகைக்கெழு வடுவாதல்

மூப்பது மரித்தலும்

முதிர் கரு பிறத்தலும் ..!