.........

அரை நிர்வாணமாக்கப்பட்ட கதவு

இது யாரிடமும் தன்னைப் பற்றிச் சொல்வதில்லை

உள்ளும் புறமும் தாழிட்டுக் கொள்ளும்

தன் சுயம் அறிந்திருக்காது

தருணங்களுக்கேற்று திறந்து கொள்ளும்

எப்பொழுதும் ஏதும் தெரிந்திருக்காது

மேதாவிலாச பாவனையுடன் அசைந்து கொண்டிருக்கும்

சில சமயம் தடுப்புகளுக்குள் தன்னை அகப்படுத்தும்

வருவோர் போவோரை எப்போதும் நோட்டமிடும்

செல்லரித்துக் கொள்வதை கண்டுகொள்ளாது

ஒப்பனைகளுக்கு பஞ்சமிருக்காது

ரகசியங்கள் ஏதும் அனுமதிக்காமல்

தனக்கேற்ற சாயங்களை பூசிக்கொள்ளும் ....

இன்னும் சொல்வதென்றால்

உணரவற்ற பொழுதுகளில்

நிர்வாணமாகப்படுவது கதவுகள் மட்டுமல்ல ....  

........

அர்த்தநாரிச் சிறகுகள்

காதல் பகிர்மானச் சின்னங்கள்

தொடர்வற்றதொரு பயணத்தில் தேடப்பட்டிருந்தன


இதயம் சிறகடித்துப் பறப்பது போலும்

கலவி நுகரும் புள்ளினங்கள் போலும்

கல்லறை ஓவியமொன்று காத்திருப்பது போலும்

இன்னும் சிலவகையில் பதிவிறக்கிய பொழுதுகளில்

இலக்கணப் பிழை என்றெண்ணி

சலனங்கள் ஏதுமில்லாமல்

தன் கடைசிச் சிறகையும் வேரறுத்துக் கொண்டிருந்தது

பாலிழந்ததாய் நிராகரிக்கப்பட்ட

அர்த்தநாரிப் பறவையொன்று...


பிறிதொரு கணத்தில் உயிர்க்கூறருப்பது போல்

யாசிப்பதாய் சமிக்ஞை செய்தது

மேற்குச் சிவத்தலில் இரையான தகவல்

யார்க்கும் தெரியாத விசித்திரம் !!!

அர்த்தநாரிச் சிறகுகள்

காதல் பகிர்மானச் சின்னங்கள்

தொடர்வற்றதொரு பயணத்தில் தேடப்பட்டிருந்தன ...

இதயம் சிறகடித்துப் பறப்பது போலும்

கலவி நுகரும் புள்ளினங்கள் போலும்

கல்லறை ஓவியமொன்று காத்திருப்பது போலும்

இன்னும் சிலவகையில் பதிவிறக்கிய பொழுதுகளில்

இலக்கணப் பிழை என்றெண்ணி

சலனங்கள் ஏதுமில்லாமல்

தன் கடைசிச் சிறகையும் வேரறுத்துக் கொண்டிருந்தது

பாலிழந்ததாய் நிராகரிக்கப்பட்ட

அர்த்தநாரிப் பறவையொன்று...

பிறிதொரு கணத்தில் உயிர்க்கூறருப்பது போல்

யாசிப்பதாய் சமிக்ஞை செய்தது

மேற்குச் சிவத்தலில் இரையான தகவல்

யார்க்கும் தெரியாத விசித்திரம் !!

பயணம்

அது ஒரு அதிசய நிறுத்தம்

முதல் பேருந்து காலியானது
பயணம் புரியவில்லை ...

இரண்டாமது நெருக்கங்களின் உச்சாணிக் கொம்பு
பயணம் மறுக்கப்பட்டது ...

பின் மூன்றாமது மீண்டும் காலியானது
பயணம் தவிர்க்கப்பட்டது ...

உடன்பாடுகள் திருத்தப்படாமல்
இலக்கின்றி பயணம் முடிந்தது ...

இப்பொழுது இன்னொரு பேருந்தின்
முன்னறிவிப்பாய் ஒரு மெல்லிய நிசப்தம் !!!!