ஆரம் ....!!!!

எனக்கு அன்று பிறப்பில்லை
வட்டத்தின் ஆரம் முடிவிலி

சில நூறு கோடி தாண்டிப் புணர்தலில் கருவானேன்
வட்டத்தின் ஆரம் கணக்கிடப்பட்டது

இருத்தல் போதுமென மோதிக் கிழித்து  வெளியானேன்
வட்டத்தின் ஆரம் சுருங்கியது

மானுடம் பயின்று  பகிரவும் செய்தேன்
வட்டத்தின் ஆரம்  குறைந்தது

நாட்காட்டி தீர்ந்த பின் பயணப்பட்டேன்
ஆரமும் வட்டமும் ஒன்றாய் புணர்ந்தது

கடைசியில் மீண்டும் நான் ஒரு சூட்சமம்
அல்லது முடிவிலி ....